Deutsch            Italiano             Sursilvan            Vallader

Propostas electoralas
Muntalin

per las tschernas dal cussagl naziunal e dal cussagl dals stadis 2015

cun

models da placats e d‘inserats


Contact
info@muntalin.ch

Nus eschan üna pitschna gruppa libra da commembers dal PPS chi’s ha chattada dürant il cumbat electoral 2011, causa cha nus d’eiran quella jada fich dischillus cha la direcziun dal parti ha surlaschà sainza cumbat ils cusgliers dal stadi als burgais da la schnestra submissivs chi simpatiseschan cun la UE. Malgrà il fat cha nus eschan dvantats activs pür fich cuort avant las tschernas, vain nus tuottüna pudü ragiundscher ün success remarchabel chi’d es però gnü taschantà quasi cumplettamaing: A nos savair ha ragiunt il candidat Livio Zanolari tantüna ün pêr milli vuschs – el chi vain portà da nus hoz sco eir fingià quella jada.

Quai chi ans unischa es l’amur per la Svizra, surtuot per sia democrazia directa creschüda e sias culturas creschüdas. Tuot quai ans para uossa dad esser fich periclità, daspö cha noss cusgliers federals as deportan adüna daplü sco chastlans esters chi trattan mal la democrazia directa ed ignoreschan avertamaing las decisiuns dal pövel. Lapro vain cha sco Svizzer as vain fingià dalönch innan trattà sco burgais da seguonda classa tant da las autoritats sco eir dals funcziunaris; ledschas valan be amo per Svizzers e per esters manieraivels, ed il magistrat intimescha avertamaing las autoritats subordinadas da surpassar las ledschas in cas dad esters/asilants renitents a favur da quels, intant cha’ls tribunals ignoreschan mincha di nossas ledschas. Dalönch innan nu’s tratta quai plü be da mantgnair la libertà, ma da tilla recuperar, scha mez e pussibel.

I’l rom da nossas pussibiltats modestas sustgnain nus a quels candidats dal PPS, dals quals nus pudain spettar plüchöntsch ch’els vöglian proteger sinceramaing la Svizra cunter la colliaziun cun la UE e dals quals nus crajain ch’els stiman e respettan ils drets dal pövel, nossas aignas ledschas, ma eir nossas aignas culturas e ragischs e s’ingaschan forsa dafatta activmaing a lur favur.

Pel cussagl naziunal propuonin nus in fuorma d’inserats pitschens:

S’inclegia chi’s po eir strichar tras otramaing co illa proposta electorala Muntalin; p.ex. ils Sursilvans lascharan per regla star ün da lur candidats. Ch’Els güdan per plaschair a far propaganda. Sch’Els han plaschair vi da noss inserats o placats, Als güdain nus gugent ad inserar o placatar, nus realisain modificaziuns giavüschadas na massa pretensiusas e procurain in cas da bsögn eir ils placats. Els han però svessa da pisserar pels lös adattats per metter sü ils placats. Ils models dals placats qua suotvart as poja eir telechargiar directamaing sco datotecas pdf e tils far stampar svessa. Eu n’ha l’intenziun da plazzar là amo ulteriuors models. In cas da dumondas/giavüschs p. pl. telefonar suot il numer 081 252 55 65.

Pel cussagl naziunal propuonin nus in fuorma d’inserat pitschen:

Livio Zanolari d'eira fingià dal 2011 nos topcandidat.

Publichà per la prüma jada illa rait: ils 20 avuost 2015 vers mezzanot, elavurà l’ultima jada: 02.09.2015