Deutsch            Italiano             Sursilvan            Vallader

Propostas d'elecziun
Muntalin

per las elecziuns dil Cussegl naziunal e dil Cussegl dils stans 2015

cun

models da placat e d'inserats


contact
info@muntalin.ch

Nus essan ina pintga gruppa libra da commembers dalla PPS ch'ei sesanflada duront il cumbat electoral digl onn 2011. Da gliez temps eran nus tuts fetg trumpai che la direcziun dalla partida ha surschau ils sezs el Cussegl dils stans senza cumbatter als burgheis-seniasters submissivs che simpatiseschan per l'UE. Schegie che nus essan vegni activs pér cuort avon las elecziuns havein nus tuttina aunc giu in bi success ch'ei bunamein dil tuttafatg vegnius cuschentaus vi: sco quei che nus savein ha Livio Zanolari, il candidat proponius – da gliez temps ed era oz – da nus, survegniu la finala enzacontas mellis vuschs.

Nus unescha la carezia per la Svizra, en special per sia democrazia directa e sias culturas. Tut quei vesein nus uss en grond prighel dapi che nos cussegliers federals sedeportan adina pli fetg sco castellans jasters che maltracteschan aviartamein la democrazia directa ed ignoreschan las decisiuns dil pievel. Vegn aunc vitier ch'ins vegn sco Svizzer gia daditg tractaus dallas autoritads e da funcziunaris sco burgheis da secunda classa; las leschas valan mo pli per Svizzers e jasters dischents e las autoritads pretendan aviartamein ch'ils uffecis subordinai surpassien la lescha a favur da jasters/asilants renitents, ferton che dertgiras fan di per di buca stem da nossas leschas. Ei va daditg buca pli per mantener la libertad, mobein per – sch'igl ei pusseivel – gudignar anavos ella.

El rom da nossas pusseivladads mudestas sustenin nus ils candidats dalla PPS, dils quals nus cartein il pli fetg ch'els veglien propi proteger la Svizra dalla connexiun cun l'UE ed als quals nus fidein il pli fetg ch'els risguardien e respecteschien nossas atgnas leschas, denton era nossas atgnas culturas e ragischs, candidats che s'engaschan forsa schizun a moda activa per ellas.

Per il Cussegl naziunal proponin nus en fuorma d'in inserat pign:

Secapescha ch'ins sa era strihar ed aschuntar auters nums che la proposta da Muntalin; Sursilvans vegnan p.ex. per regla a schar star in da lur candidats. Gidei per plascher da far reclama. Sche nos inserats e placats plaian a Vus, gidein nus bugen Vus cun Vos inserats e placats cun far midadas giavischadas buca memia grondas ed organisein en cass da basegn era ils placats; per loghens da placatar adattai stueis Vus denton procurar. Ils placats da muster sutvart san ins era telecargar directamein sco pdf e schar stampar sez; jeu planiseschel da deponer ulteriurs musters. En cass da damondas/giavischs telefonei semplamein a 081 252 55 65.

Per il Cussegl dils stans proponin nus en fuorma d'in inserat pign:

Livio Zanolari ei staus gia il 2011 nies emprem candidat.

Publicau l'emprema ga ella reit: ils 20 d'uost 2015 entuorn mesanotg, actualisau la davosa ga: 02.09.2015